Nagdulot ng takot sa mga residente ng brgy. 310 Zone 31 ang kahon na iniwan sa kahabaan ng Recto Avenue, pasado alas10:00 ng gabi.
Ang una, hinala ng mga residente ay naglalaman ito ng bomba. Matapos mapansin na tila kahina-hinala, agad itinawag sa pulisya ang kahon para masuri.
Pagkadating ng mga tauhan mula sa Explosive Ordnance Division, nagsagawa sila render safe procedure at pagbukas ng kahon, ang tumambad sa kanila ay pawang mga bote at basag na salamin.
Agad na itinapon sa tambakan ng basura ang naturang kahon at binaklas ang mga kordon sa lugar.
Makaraan ang dalawang oras ay muli nang binuksan ang lugar upang daanan na bahagya ring nagdulot ng trapiko sa mga sasakyan na dumadaan.
