Inatasan na ni Justice Secretary Vitaliano Aguirre The Second ang National Bureau of Investigation na pag-aralan kung papaano mabibigyan ng proteksyon ang asawa ni SPO3 Ricky Sta. Isabel na itinuturong pangunahing suspek sa Korean businessman kidnap-slay case.

Ayon sa kalihim, nakatatanggap ng death threats si Jinky Sta. Isabel mula nang sabihin nito na inosente ang kanyang asawa at naset-up lamang umano ng ilan sa mga kasamahan nito sa PNP Anti-Illegal Drugs Group.

Batay sa PNP initial inquiry, sinabi ni SPO4 Roy Villegas na si Sta. Isabel ang nanguna sa pagdukot kay Jee Ick Joo at ito rin umano ang pumatay sa Koreano sa loob mismo ng Camp Crame.

Naniniwala naman si Secretary Aguirre na posibleng mayroon pang ibang high ranking police official na sangkot sa krimen.

Tags: Justice Sec. Aguirre, nagbigay ng direktiba sa NBI kaugnay sa posibleng proteksyon sa asawa ni Sta. Isabel