Nilagdaan na ng Pilipinas at Japan ang kasunduan para sa pagpapatupad ng mga proyektong magpapaunlad sa supply ng kuryente sa Mindanao.
Anim na electrical cooperatives, partikular na sa Bangsamoro area, ang makikinabang sa proyekto na nagkakahalaga ng 340 million pesos.
Batay sa ulat ng electric cooperatives sa Mindanao, 26 percent ang nasasayang sa enerhiya dahil sa mga lumang kagamitan sa energy transmission.
Taong 1970’s pa ang mga gamit na ito kaya kailangan ng palitan.
Ang energy transmission equipment ang nagiging daan upang makarating sa mga consumer ang kuryente na nagmumula sa mga power plant.
Matatandaang isa ang Mindanao sa mga nakararanas ng rotational brownout noong mga nakaraang taon dahil sa kakulangan ng power supply.
(Aga Caacbay)
