Tumangging maghain ng plea si Janet Lim Napoles sa labing dalawang kaso ng tax evasion sa Court of Tax Appeals kanina.
Ayon sa kanyang abogado na si Ian Encarnacion, ito ay dahil may nakabinbin pa silang petition for review sa Court of Tax Appeals En banc.
Inakusahan si Napoles ng hindi paglalagay ng tamang impormasyon sa kanyang income tax return mula taong 2004 hanggang 2012.
Hindi rin aniya siya nagbayad ng buwis na nagkakahalaga ng 18.4 million pesos sa mga nasabing taon.
Maliban kay Napoles, nahaharap din sa tax evasion cases ang kanyang asawa na si Jaime at anak na si Jeane.
(Joyce Balancio / UNTV Correspondent)
