Patuloy ang ginagawang imbestigasyon ng San Jose del Monte Police kaugnay ng pagkakapaslang kay Loigene Geronimo, ang pharmacist na binaril sa loob ng kanyang botika noong Martes ng gabi sa San Jose del Monte, Bulacan.
Ayon sa mga pulis, mayroon na silang ideya sa pagkakakilanlan ng posibleng may kagagawan ng krimen matapos umanong makipag-ugnayan sa kanila ang isang saksi na namukhaan ang suspek.
Sa ngayon ay bineberipika na lamang umano nila ang naging salaysay ng saksi at ang mga impormasyong ibinigay nito upang mahuli ang suspek.
Samantala, bukas ay ililibing na ang labi ni Loigene. Pakiusap ng asawa nito kay Pangulong Duterte at PNP Chief Ronald “Bato” Dela Rosa na mabigyang hustisya ang pagkamatay ng biktima.
( Nestor Torres / UNTV Correspondent )
Tags: Bulacan, pharmacist, saksi
