Katawan ng biktimang si Darwin Balderama, 24 taong gulang, isang tauhan sa vulcanizing shop sa Guiguinto, Bulacan
Pasado alas-10:00 kaninang umaga, dead on the spot ang isang lalake, sa Barangay Tabang, McArthur Highway, sa Guiguinto, Bulacan, matapos sumambulat ang utak nito bunsod ng pagsabog ng inaayos nitong interyor ng gulong ng truck
Sa lakas ng pagsabog, tumilapon sa ibabaw ng truck ang biktima at kumalat ang utak nito sa kalsada. Tumalsik din ang rim at gulong ng truck sa bubong ng bahay ng biktima na kinilalang si Darwin Balderama, 24 taong gulang, may asawa, at residente sa nasabing lugar.
Lumalabas sa imbestigasyon ng pulisya na sumobra sa hangin ang gulong ng sasakyan na siyang naging dahilan ng malakas na pagsabog.
Apektado naman ang driver ng ginagawang truck, dahil sa lakas ng pagsabog ng gulong ay hindi madilat ang kanang mata nito
Malaking hirap naman para sa naulilang asawa ang pagkamatay ng biktima,lalo’t ito lamang ang inaasahan nilang naghahanapbuhay para maitaguyod ang isang taon at dalawang buwang gulang nilang anak.(Nestor Torres/UNTV Bulacan)
