Patay matapos manlaban sa otoridad ang barangay chairman ng Inarado Daraga, Albay na si Rommel Marticio sa isinagawang buy bust operation sa lugar pasado alas kwatro kahapon.
Ayon kay Daraga, Albay PIO Inspector Milet Tilos, agad bumunot at nagpaputok ng baril ang suspek nang matunugan nito na isang pulis ang kanyang ka-transaksyon.
Agad naman isinugod sa Bicol Regional Training and Teaching Hospital ang suspek subalit idineklara na itong dead on arrival dahil sa dalawang tama sa tiyan.
Ayon naman kay APPO Police Chief Inspector Arthur Gomez, isa si Martico sa mga sumuko sa Oplan Tokahang subalit bumalik ulit sa paging pusher.
Ang suspek ay isa sa mga high value target ng mga police.
Narekober sa suspek ang isang sachet ng hinihinalang shabu, dalawang piraso ng 500 peso bill at isang caliber .38 revolver na may isang fired ballet at apat na misfired bullets.
Sa kasalukuyan, patuloy ang imbestigasyon ng Albay SOCO sa insidente.
(Hazel Rivero / UNTV Correspondent)
Tags: Albay, buy bust operation sa Daraga, Isang kapitan, patay matapos manlaban
