Nagpasa ng listahan ang Bacolod City Anti-Illegal Drugs Special Operations Task Group sa Philippine National Police main headquarters ng mga active drug personalities na kanilang mino-monitor ngayon.

Sa pinaigting na kampanya ng CAIDSOTG, mula ng November 2015, isang daan at dalawangput limang drug personalities na ang kanilang na-neutralize.

Sa patuloy na pagmomonitor nila, napag-alaman na nasa apat na drug groups ang kasalukuyang nag-ooperate sa Bacolod City.

Ayon kay CAIDSOTG Head, Chief Inspector Jerick Filosofo, inaasahan nila si Presumtive President Rodrigo Duterte na hihingi ng watchlist ng mga drug personalities kaya agad na silang nagpasa, lalo na isa ito sa maigting na isinusulong nito sa nakaraang kampanya.

(Deoden Monillo / UNTV Radio Correspondent)