Isang 16 anyos na binatilyo ang tinulungan ng UNTV News and Rescue Team matapos itong tamaan ng kwitis sa kaliwang mata pasado ala una kaninang madaling araw.

Kinilala ang biktima na si Paul John De Guzman at residente ng brgy tabuating sa bayan ng San Leonardo.

Ayon sa mga saksi naglalakad si Paul John patungo sa command post ng UNTV News and Rescue Team Cabanatuan City na nakabase sa kahabaan ng Maharlika Hi Way Cabanatuan City upang humingi ng tulong.

Agad namang nilapatan ng pang unang lunas ng rescue team ang biktima.

Ayon sa biktima sumama sya sa kanyang mga kaibgan upang magsindi ng kwitis subalit pagkasindi ay agad na tumama sa kanyang kaliwang mata dahilan upang malapnos ito.

Matapos malapatan ng pang unang lunas ng grupo ang biktima ay tumanggi na siyang magpadala sa ospital at sumakay na lamang sya ng tricycle para umuwi sa kanilang bahay.

(Grace Doctolero / UNTV Correspondent)