Nilunon ng isang babae sa Colombia ang isang bungkos ng pera na nagkakahalaga ng $7,000 o halos 350,000 pesos upang maitago mula sa kanyang asawa.

Sinasabing nabisto ng babae na nangangaliwa ang kanyang asawa kaya nagpasya itong makipaghiwalay na.

Dahil dito, pinagtalunan umano ng mag-asawa ang pera kung kaya’t nilulon ng babae ang mga perang papel upang hindi ito makuha sa kanya.

Tig-$100 umano ang nilulon ng babae, at sinabi na nakuha niya ang pera mula sa pagbebenta ng mga appliances nila sa bahay at inilalaan niya sana para sa pagbabakasyon nilang mag-asawa.

Ayon kay Dr. Juan Paolo Serrano, Director of Surgery sa University Hospital of Santander, nasa 57 na piraso ng tig-$100 ang nakuha ng mga doktor mula sa loob ng katawan ng babae.

Karamihan umano sa mga ito ay nanggaling sa tiyan, habang sa bituka naman planong padaanin ng mga doktor ang mga natitira pang pera sa loob ng katawan ng babae.

Tags: Colombia, isang babae