Nasa kamay na ng National Transport Safety Committee ng Indonesia ang isa sa dalawang black box ng Lion Air Flight JT610 na bumagsak sa karagatan ng bansa.
Gamit ang isang remoting operating vehicle ay nadiskubre ito ng search and rescue team kahapon sa isang bahagi ng search area.
Nahirapan umano ang mga diver na kunin ang black box dahil sa lakas ng alon at nakaharang ng mga energy pipeline.
Ngunit ayon sa pinuno ng Transport Safety Committee, kung ang kanilang nakuha ay ang flight data recorder o ang cockpit voice recorder, aabutin umano ng tatlong linggo bago madownload ang laman ng black box at anim na buwan naman para i-analyze ang data.
Ngunit umaasa ang Indonesian authorities na sa pamamagitan nito ay malalaman na kung ano ang naging dahilan ng pagbagsak ng eroplano.
Ngunit ayon sa ilang kaanak ng mga nasawi sa insidente, bagaman makapagdudulot ng linaw sa kinahinatnan ng kanilang mahal sa buhay ang pagkakarecover sa black box, mas nais umano nilang makuha ang katawan ng mga biktima.
( Mirasol Abogadil / UNTV Correspondent )
Tags: Black box, Indonesia, Lion Air Jet
SUMATRA, Indonesia – Umabot na sa mahigit 220 ang nasawi samantalang daan-daan ang sugatan sa mga isla ng Java at Sumatra sa Indonesia dahil sa tsunami noong Sabado ng gabi. Pinaniniwalaang bunga ito ng underwater landslide matapos ang pagputok ng bulkang Anak Krakatau.
Pinangangambahang tumaas pa ang bilang ng mga nasawi at sugatan dahil marami pa ang posibleng nadaganan ng mga gumuhong istruktura. Kaya naman nagmamadali na ang mga awtoridad sa pagsasagawa ng search and rescue operations.
Ngunit hirap makapasok ang mga ambulansya at rescue worker sa mga lubhang naapektuhang lugar dahil sa mga kalsadang nabarahan ng mga debris.
Ani Indonesian President Joko Widodo, “I want to express my deep sorrow for the victims in Serang, Pandeglang and Banten Provice. May those who are left be patient.”
Nagbabala naman ang awtoridad sa mga residente at turista sa coastal areas sa paligid ng Sunda Strait na lumayo muna sa mga dalampasigan lalo na at nananatili ang high-tide warning sa lugar hanggang ika-25 ng Disyembre.
Samantala, sinabi naman ng Department of Foreign Affairs na walang Pilipino na nasawi o nasugatan dahil sa insidente. Ngunit ayon sa kagawaran, patuloy nilang binabantayan ang kalagayan ng ating mga kababayan sa lugar.
Sa tala ng embahada ng Pilipinas sa Jakarta, mayroong 220 miyembro ng Filipino community sa mga apektadong lugar.
Tags: anak krakatau, Indonesia, java, sumatra, tsunami
Pinaniniwalang lumubog sa dagat matapos mag-crash ang isang eroplano sa Indonesia na may sakay na 189 na pasahero at crew. Hindi pa malinaw kung may survivors sa bumagsak na Lion Air Boeing 737 passenger plane.
Ayon sa tagapagsalita ng search and rescue agency ng Indonesia, nawalan ng contact ang Lion Air Flight JT-610 ilang minuto matapos magtake-off sa Jakarta dakong alas-sais bente ng umaga.
Nakita ang mga debris na pinaniniwalang galing sa bumagsak na eroplano na malapit sa isang refining facility sa Java sea.
Ang Lion Air ay isang budget airline na nakabase sa Indonesia.
Nakaantabay naman ang kaanak ng mga pasahero sa Jakarta airport.
Sa ngayon, maigting din ang ginagawang paghahanap ng mga otoridad sa black box ng bumagsak na eroplano.
PHOTO: ACE MORANDANTE/PRESIDENTIAL PHOTO
Dumating kagabi ang delegasyon ni Pangulong Rodrigo Duterte sa Bali, Indonesia para sa ASEAN Leaders’ Gathering mamayang hapon.
Ang ASEAN Leaders’ Gathering ay isang special meeting ng mga ASEAN Member States kabilang na ang multilateral at international organizations.
Kasama ni Pangulong Duterte ang ilan sa mga miyembro ng kaniyang gabinete na sina Foreign Affairs Secretary Alan Cayetano, Financy Secretary Carlos Dominguez, Budget Secretary Benjamin Diokno, Socio-Economic Planning Secretary Ernesto Pernia, Presidential Communications Secretary Martin Andanar at Special Assistant to the President Bong Go.
Nakatakdang magbigay ng talumpati si Pangulong Duterte sa naturang event upang bigyang-diin ang kahalagahan ng mas matatag na regional at global cooperation at pagpapanatili ng seguridad at stability upang maisulong ang tuloy-tuloy na pag-unlad para sa lahat.
Sa sidelines ng ASEAN Leaders’ Gathering, makikipagpulong ito sa ibang ASEAN leaders hinggil sa iba’t-ibang isyu kabilang na kay Indonesian President Widodo kung saan inaasahang matalakay ang pagpapaigting ng trade at investment, at paglaban sa terorismo sa pamamagitan ng maritime defense at security.
Samantala, mag-aabot din ng ayuda ang Pilipinas sa Indonesia na nagkakahalaga ng 300 thousand USD na humanitarian assistance para sa mga nabiktima ng malakas na lindol at tsunami sa Sulawesi Island.
Ayon kay Philippine Ambassador to Indonesia Leehiong Wee.
“I learned that our C-130 plane has flown out of the Philippines to bring all assistance to Palu. We are also placed to give 300,000 dollar for humanitarian assistance, and part of what we are donating are generators, waters and medical kits as the need arises.”- pahayag ni Philippine Ambassador to Indonesia Leehiong Wee
Nakatakda namang bumalik agad ng Pilipinas si Pangulong Duterte mamayang gabi pagkatapos ng ASEAN Leaders’ Gathering.
( Rosalie Coz / UNTV Correspondent )
Tags: ASEAN Leaders’ Gathering, Indonesia, Pangulong Duterte
