Nilapatan ng paunang lunas ng UNTV News and Rescue Team ang isang biktima ng vehicular accident sa Barangay North Fundidor, Molo, Iloilo City dakong alas onse y media kagabi.

Kinilala ang biktima na si Michael Diclar Jr. , labing walong taong gulang at residente ng Villa Arevalo, Iloilo City.

Nagtamo ng sugat sa ulo ang biktima matapos banggain ang likurang bahagi ng pampasaherong jeep ng isang Mazda CX-7 na minamaneho ng isang chinese national na si Jeremy Chua.

Ayon kay Shiela Chua, asawa ni Jeremy Chua, nakainom ng alak ang kaniyang asawa dahilan upang ito ay maaksidente.

(Dante Infante / UNTV Correspondent)

Tags: Iloilo City, isang Mazda CX-7, UNTV News and Rescue Team