METRO MANILA – Naniniwala si Commissioner-in-Charge for Overseas Voting Maria Rowena Guanzon na makatitipid ang Commission on Elections (Comelec) kung magkaroon ng internet voting sa abroad at maging sa bansa.
Hindi na aniya kailangan gumastos sa courier services o transportasyon ng mga election paraphernalia at pag-imprenta ng mga balota tuwing eleksyon.
Pero, may rekomendasyon si Guanzon na ilang bagay na dapat ikonsidera bago ito ipatupad.
“There are three things that are major considerations for me as a decision maker one is security, two is access of voters, three is the cost and if we are satisfied in OFW we can recommend to the Comelec en Banc and of course congress for 2025 if the next administration will certify it as urgent then certainly congress can add to the Comelec budget for this purpose.” ani Comelec Comm. Ma. Rowena Guanzon.
Dagdag pa ni Guanzon, irerekomenda nila ito sa kongreso para makapagpasa ng batas hinggil dito.
Ito ay lalo na kung tagumpay ang isasagawa nilang mga internet voting test run sa mga susunod na araw.
“If these test runs efficient, effective and host efficient, I will recommend to the Commission en Banc that we request congress of course the house and the senate to consider passing a law to use mobile app voting in the future. Well, if we’re looking at 2025 that’s quite possible cause that’s another three years from now.” ani Comelec Comm. Ma. Rowena Guanzon.
Kanina ay inilunsad ng Comelec ang internet voting na pinangunahan ng Office for Overseas Voting sa pamamagitan ng service provider na Voatz, isang US-based private mobile election voting application.
Bahagi ito ng gagawing internet voting test run na magsisimula sa Sabado, September 11 ng alas-8 ng umaga at matatapos sa Lunes, September 13 ng kaparehong oras.
Pagkatapos nito ay magkakaroon din kaagad ng canvassing ng mga boto.
Ayon sa Comelec, nasa 671 ang nagpatala na participants sa internet voting dry run na karamihan ay overseas Filipino workers.
Ayon kay Commissioner Guanzon, nasa 1 taon na nilang tinatrabaho ang proyektong ito.
Target na matulungan dito ng Comelec ang mga OFW na gustong makaboto na hindi na kailangan pumunta sa mga itatalagang polling center sa abroad.
“The most important thing is that our overseas voters will have easier access to vote especially those who are seafarers and those who cannot leave work in order to vote.” ani Comelec Comm. Ma. Rowena Guanzon.
May 2 pang service providers na indra at smartmatic na inaasahang magkakaroon din ng internet voting test run ngayong buwan.
(Dante Amento | UNTV News)
Tags: COMELEC, Internet Voting
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
