Pinabulaanan ngayon ng Land Transportation Franchising and Regulatory Board ang naging pahayag kahapon sa senado ng kumpanyang Uber, kung saan sinabi nito na sakop pa rin sila ng Passenger Accident Management Insurance Agency o PAMI.
Ayon sa ahensya, sa ngayon ay miyembro ang Uber ng UCPB General Auto Passenger Insurance, kung saan mas limitado ang saklaw ng insurance ng mga pasahero. Ayon sa LTFRB, hindi sakop ng insurance ngayon ng Uber ang No Fault of Indemnity at ang all risk package.
Ibig sabihin kung out of line ang isang pampublikong sasakyan, o lasing at naka droga ang driver na naging sanhi ng aksidente, walang makukuhang bayad mula sa insurance company ang isang pasahero.
Mababayaran lamang ang isang pasahero, kung walang anumang pananagutan o nadamay lamang ang driver sa aksidente. Dismayado naman ang ilang mananakay ng Uber dahil dito.
Sa ilalim ng Memorandum Order 2015-28 ng LTFRB o ang 3-year Enhance Personal Passenger Accident Insurance Program, 200-libong piso ang dapat na matanggap ng pamilya ng isang pasaherong namatay sa aksidente sa pampublikong sasakyan.
Habang nasa limang libo hanggang isang daang libo naman para sa anumang injury at disability.
Sa pagdinig na naganap noong Martes, binigyang-diin ng LTFRB sa Uber na sumunod at makipagtulungan sa ahensya, upang maisapinal na ang mga regulasyon at patakarang, magsasaayos sa operasyon ng mga TNVS.
(Joan Nano / UNTV Correspondent)
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
