Isang magnitude 7 na lindol ang yumanig sa lalawigan ng Papua sa bansang Indonesia ayon sa US Geological Survey.

Tumama ang lindol bandang 6:41 ng umaga, halos 250 kilometro ang layo mula sa kanluran ng Jayapura na may lalim na 52 kilometro.

Wala namang itinaas na tsunami warning ang Hawaii-based Pacific Tsunami Warning Center dahil sa loob ng kalupaan ng Irian Jaya jungle tumama ang naturang lindol.

Samantala, nagbabala naman ang USGS sa posibleng pagkakaroon ng mga landslide dahil sa matarik na kabundukan sa lugar.