Ngayong araw na isasagawa ang inagurasyon nina incoming President Rodrigo Duterte at Vice President Leni Robredo.

Sa Malakanyang isasagawa ang oath taking ni President Elect Duterte habang sa dating Boracay Mansion o Executive Office naman sa Quezon City ang panunumpa ni Vice President Elect Robredo.

Kapwa simple lamang ang isasagawang inagurasyon ng dalawang pinakamataas na opisyal ng bansa.

Pagkatapos ng makasaysayang panunumpa ng ika-16 na pangulo ng bansa, magaganap ang mass oath taking ng incoming cabinet members at magkakaroon rin ng tinatawag na diplomatic reception.

Samantala, idineklara naman ng Malakanyang na hindi holiday ngayong araw kundi isang regular working day ang June 30.

(UNTV RADIO)

Tags: inagurasyon