
MANILA, Philippines – Wala pang direktang epekto sa suplay at presyo ng langis sa Pilipinas ang nangyaring pagpapasabog sa 2 malaking oil facilty sa Saudi Arabia.
Subalit mahigpit pa ring binabantayan ng Department of Energy (DOE) ang sitwasyon upang masiguro na hindi magkakaroon ng oil crisis sa bansa.
Ayon kay DOE OIL Industry and Management Bureau Assistant Director Rodora Romero, sa ngayon ay higit pa sa sapat ang imbak na langis ng mga oil company sa Pilipinas.
Ipinaliwanag rin nito na higit 12% lamang sa ina-angkat na langis ng Pilpinas ang nangagaling sa Saudi Arabia. At ang malaking bulto ay nangagaling sa United Arab Emirates.
“Nakahanda kami ang isang paghahanda ini-ensure namin with the oil companies na compliant sila sa minimum inventory requirement,ni-revive na rin ulit o binigyan ng instruction ni Secretary Cusi ang Philippine National Oil Company Energy Exploration na talagang mainvolve sa importation ng petroleum products” ani DOE Oil Industry And Management Bureau Assistant Director Rodora Romero.
Bukod pa rito, nakahanda na rin ang Estados Unidos at iba pang kasapi ng Organization Of Petroleum Exporting Countries (OPEC) na ilabas ang reserba nilang langis sakaling kulangin ang suplay sa world market.
Sa pagtaya ng ilang kumpanya ng langis, posibleng abutin ng P3.00 ang madaragdag sa presyo ng mga produktong petrolyo dahil sa pagkakaparalisa ng produksyon ng Saudi aramco.
Sakaling umabot sa ganitong sitwasyon, kakausapin ng DOE ang mga oil company na utay-utayin ang dagdag presyo upang hindi mabigatan ang mga motorista.
(Joan Nano | UNTV News)
Tags: DOE, oil company
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
METRO MANILA -Ipatutupad na ngayong araw (May 28) ang pagtaas sa presyo ng mga produktong petrolyo.
Batay sa magkakahiwalay na abiso ng mga oil company, tataas ng P0.40 ang presyo ng kada litro ng Diesel at gasolina.
P0.30 naman ang dagdag presyo sa kada litro ng Kerosene.
Ayon sa Department of Energy (DOE), nakaaapekto pa rin sa presyo ng petrolyo ang nananatiling geopolitical tensions sa Middle East.
Tags: DOE, oil price hike