Binigyan ng parangal ng pamahalaan ang siyam na sundalo na nakipagbakbakan sa Abu Sayyaf Group.

Kabilang dito sina LtCol. Ramon Flores at 1st Lt. Mark Alvin Bawagan na nakasagupa ng grupo ni ASG Sub Leader Alhabsy Misaya noong January 31 na ikinasawi ng 12 ASG members.

Col. Noel Beleran at Capt. Eric Quiñanola na nanguna naman sa recovery effort sa katawan ng Canadian hostage na si John Ridsdel na pinugutan ng ASG.

Gayundin sina Major Mark Anthony Arabe, 2LT. Noah Umpig, Col. Antonio Rosario, Sgt. Elmer Ballesteros at Sgt. Garry Prande.

Sila ang nakarekober ng ilang napatay na ASG, mga armas at gayun ang nakakuha sa katawan ng German national na si Jurgen Gustav Kantner.

Ayon kay Defense Secretary Delfin Lorenzana, mahalaga ang tungkuling ginagampanan ng mga sundalo upang makamit ng bansa ang matagal nang hinahangad na pangmatagalang kapayapaan.

Tags: AFP, Ilang tauhan, medalya, Mindanao