Panghihinayang at takot, ilan lamang ito sa mga naramdaman ng nakararaming Ozamiznon sa napipintong paglipat sa Iloilo ni Police Chief Inspector Jovie Espenido.

Karamihan sa kanila ayaw humarap sa camera sa takot na balikan ng mga Parojinog na nagtatago sa batas tulad ni Ricardo “Ardut” Parojinog dahil may mga kakayahan at tauhan pa umano ang mga ito na nasa loob at labas  ng Ozamiz.

Naniniwala naman ang ilang opisyal ng  Ozamiz na di mababaliwala ang lahat ng napasimulan ni Espenido. Hiling naman ng isang locale official na papalit kay Espenido na maipagpatuloy at mahigitan pa ang ginagawa nito upang tuluyang masugpo ang droga at kriminalidad sa kanilang lugar  para umunlad.

(Weng Fernandez / UNTV Correspondent)

Tags: Espenido, Iloilo City, Ozamiznon