May panibagong rollback sa presyo ng produktong petrolyo ngayong araw.

Epektibo kaninang alas dose-uno ng hating gabi, binawasan ng Caltex, Petron at Flying V ng anim napung sentimos ang kada litro ng gasolina.

Siyam napung sentimos ang tinapyas sa diesel at piso at sampung sentimos naman sa bawat litro ng kerosene.

Sumunod namang nagpatupad ng kaparehong bawas-presyo ang Shell, Phoenix Petroleum, Seaoil, Total, Unioil at PTT Philippines kaninang ala sais ng umaga.

Ito na ang ika-apat na beses na nagkaroon ng price rollback ngayong buwan.

Ayon sa Department of Energy o DOE, posibleng magtuloy-tuloy pa ang pagbaba ng presyo ng langis dahil oversupply ito sa international market.

Tags: bawas presyo, Ilang kumpanya, LANGIS, produktong petrolyo