May rollback sa presyo ng mga produktong petrolyo ang ilang kumpanya ng langis ngayong araw. Epektibo kaninang alas dose ng hatinggabi ay tinapyasan ng Flying V at Seaoil ng trenta sentimos ang presyo kada litro ng diesel at kerosene. Wala namang paggalaw sa presyo ng gasoline.
Kaparehong bawas presyo rin ang ipatutupad ng Shell at Petron kaninang alas sais ng umaga.
Samantala, ang mga kumpanyang Jetti, Eastern Petroleum, Phoenix at PTT Philippines ay magpapatupad lamang ng trenta sentimos na rollback sa diesel at walang magiging paggalaw sa presyo ng kanilang gasolina at kerosene.
