Ilang kumpanya ng langis, may malakihang bawas presyo sa produktong petrolyo

by Radyo La Verdad | March 21, 2017 (Tuesday) | 4366

Nagpatupad ng bigtime price rollback sa mga produktong petrolyo ang ilang kumpanya ng langis.

Piso at sampung sentimos ang nabawas sa presyo ng kada litro ng diesel ng Petron, Shell at Flying V.

Otsenta sentimos ang natapyas sa halaga ng bawat litro ng gasoline habang piso at dalawampung sentimos naman sa kerosene.

Kaparehong price rollback din sa diesel at gasolina ang ipinatupad ng kumpanyang Unioil, Total, Jetti, Eastern Petroleum at Phoenix Petroleum & PTT.