May panibagong bawas presyo sa mga produktong petrolyo ang ilang kumpanya ng langis ngayong araw. Unang nagpatupad kaninang alas dose ng hatinggabi ng beinte singko sentimos na rollback sa kada litro ng gasolina at kinse sentimos naman sa kerosene ang Flying V at Seaoil. Ngunit walang paggalaw sa presyo ng kanilang diesel.
Kaparehong bawas presyo rin ang ipatutupad mamayang alas sais ng umaga ng Shell at Petron.
Samantala, magrorollback din ng beinte singko sentimos kada litro sa gasolina Ang Jetti, PTT Philippines, Phoenix at Eastern Petroleum.
Ngunit walang magiging paggalaw sa halaga ng diesel at kerosene.
