Nagpatupad ng bawas-presyo sa kanilang mga produktong petrolyo ang ilang kompanya ng langis ngayong araw.
Singkwenta sentimos ang nabawas sa halaga kada litro ng gasolina ng Shell, Petron, Flying V at Seaoil. Kwarenta sentimos sa diesel at otsenta y singko sentimos naman sa kerosene.
Kaparehong price rollback din ang ipinatupad ng Eastern Petroleum, Total, PTT Philippines at Phoenix Petroleum sa kanilang gasolina at diesel ngunit walang naging paggalaw sa presyo ng kanilang kerosene
Ito ang unang oil price rollback na ipinatupad ngayong buwan.
