Nagsimula nang isara ang ilang kalsada sa Maynila para sa isasagawang Traslacion bukas. Simula ala una kahapon, sarado na ang southbound lane ng Quezon Boulevard mula A. Mendoza hanggang Plaza Miranda.
Gayundin ang eastbound lane ng C.M Rector mula Rizal Ave. hanggang S.H. Loyola street at ang westbound lane ng España Boulevard mula P. Campa hanggang Lerma Street.
Mamayang alas diyes ng gabi naman nakatakdang isara ang katigbak at South Drive, northbound lane ng Quezon at Mc. Arthur bridge, gayundin ang Taft Avenue mula Ayala Boulevard hanggang Bonifacio Shrine.
Sa mga light vehicle na babagtas sana ng Bonifacio Drive at Roxas Boulevard, maaaring dumaan Anda Circle patungong a. Soriano Avenue, kumanan sa Gen. Luna street patungong Burgos-Orosa street, kumaliwa sa TM Kalaw patungong Taft Avenue hanggang sa inyong destinasyon.
Ang mga truck at iba pang malalaking sasakyan ay maaari ring dumaan sa Anda Circle papuntang northbound lane ng Road 10 patungong C3 hanggang sa inyong destinasyon.
Ang mga manggagaling naman ng southern part ng Manila, maaaring kumanan sa TM Kalaw street, kaliwa sa Orosa patungong Intramuros at kaliwa papuntang A. Soriano Avenue hanggang ang mga daraan naman sa P. Burgos street ay maaaring kumanan sa finance road patungong Ayala Avenue, habang ang mga babagtas naman sa Taft Avenue northbound ay pinapayuhang kumanan sa Ayala Boulevard patungo sa inyong destinasyon.
Pagsapit naman ng hatinggabi ng Martes ay isasara na ang Mc. Arthur bridge, Jones at Quezon bridge.
Gayundin ang Roxas Boulevard mula Katigbak Drive hanggang TM Kalaw street at ang magkabilang lane ng Quezon Boulevard.
Sa mga manggagaling ng Quezon City, kumanan lamang sa P. Campa street, kaliwa sa A. Mendoza Street, kanan sa Fugoso street, kanan muli sa C.M. Recto Avenue o kaliwa naman kung sa Nicanor Reyes street.
Sa mga sasakyang mula sa Legarda street, maaaring kumanan sa CM Rector o kaliwa naman kung sa Mendiola street. Kung kayo naman ay galing ng Caloocan, maaaring kumanan sa Fugoso street o kaya sa CM Recto.
Ang mga malalaking sasakyan naman tulad ng mga cargo truck ay maaaring dumaan sa Pres. Osmeña papuntang Pres. Quirino Avenue patungong Nagtahan bridge via Ah Lacson Avenue to Capulong street.
Lahat ng mga bus naman na magmumula sa Reina Regente street at nasa southbound lane ay kumanan sa San Fernando street o kaya naman ay mag-u turn sa Plaza Ruiz.
Habang ang mga light vehicle naman ay maaaring dumaan sa anda circle going to Delpan or Moriones.
Batay sa inilabas na traffic advisory, ang mga isinarang kalsada ay agad na bubuksan sa oras na makadaan na ang dulo ng prusisyon
( Asher Cadapan Jr. / UNTV Correspondent )
Tags: kalsada, Maynila, Traslacion
METRO MANILA – Ipagbabawal ng pamahalaang lungsod ng Maynila ang mga tradisyong Katoliko sa Semana Santa mula Marso 28 hanggang Abril 4 ngayong taon dahil sa banta ng Coronavirus Disease 2019 (COVID-19).
Sa ilalim ng Executive Order No. 9 na nilagdaan ni Manila Mayor Francisco “Isko Moreno” Domagoso, mahigpit na ipinagbabawal ang pabasa, senakulo, Visita Iglesia, prusisyon at iba pang mga pagtitipon sa darating na holiday season.
Alinsunod sa mga regulasyon ng Inter-Agency Task Force on Emerging Infectious Diseases (IATF) ay ipatutupad din ang liquor ban, curfew hours, physical distancing at pagsusuot ng face mask at face shield.
Humingi naman ng paumanhin ang alkalde at nagbigay ng payo sa mga residente ng naturamg lungsod.
“Magnilay-nilay po tayo sa ating sari-sariling mga tahanan. Magdasal po tayo kasama ang ating pamilya, at humingi ng awa sa Diyos na matapos na sana ang pandemyang ito,” ang pahayag ni Mayor Isko Moreno Domagoso.
(Rhuss Egano | La Verdad Correspondent)
Tags: long holiday, Maynila
METRO MANILA – Isinailalim ni Manila City Mayor Francisco ‘Isko Moreno’ Domagoso nitong Martes (March 9), ang dalawang barangay at ilang mga hotel sa 4 na araw na lockdown dahil sa pagtaas ng bilang ng kaso ng COVID-19.
Pinirmahan ng alkalde ang Executive Order No. 06 na naglalayong mas paigitingin pa ang contact tracing, disease surveillance at COVID Testing bilang responde sa pagkalat ng virus sa Barangay 351 at 725.
Magsisimula ang lockdown ngayong Huwebes, March 11 – 12:01 ngmadaling araw hanggang sa Linggo, March 14, 11:59 ng gabi.
Ayon sa datos ng Manila Health Department, umabot na sa 12 kasong active cases ang naitala sa Barangay 351 at 14 na active cases naman sa Barangay 725.
Kaugnay nito, isasailalim din sa lockdown ang 2 hotel sa Barangay 699 na nakapagtala ng 17 active cases. 14 dito ay mula sa Malate Bayview Mansion at 3 naman sa Hop Inn Hotel.
Inirekomenda din ng MHD na ideklara at isailalim ang mga nasabing barangay sa “Critical Zones” na kung saan ay Enhance Community Quarantine (ECQ) guidelines ang paiiralin.
Ayon kay Domagoso, ang mga residente ng mga nasabing barangay ay mananatili sa kanilang mga tahanan at hindi maaaring lumabas.
Papayagan lamang ang mga health workers, military personnel, service, utility workers, essential workers, mga barangay at mga media personnel na accredited ng Presidential Communications Operations Office at Inter-Agency Task Force.
Sa datos ng MHD, mayroong 154 na active cases ang naidagdag kahapon (March 9) at pumalo na sa 988 na aktibong kaso ang naitatala ng lungsod.
Kaugnay nito ay 74 na ang mga gumaling at 2 ang namatay ngayong araw. Sa kabuuan, 27,639 na ang naitalang gumaling at 817 dito ang nasawi.
(Jasper Barangan | La Verdad Correspondent)
MANILA, PHILIPPINES – Inutusan ni Manila City Mayor Francisco ‘Isko Moreno’ Domagoso ang lahat ng mga LGU sa Manila na higpitan ang isinasagawang health and security measures dahil sa patuloy na pagtaas ng kaso ng COVID-19 sa nasabing lungsod.
Ayon sa opisyal, kailangan higpitan ang pagpapatupad ng minimum health protocols sa mga barangay at kalsada sa Maynila upang matigil ang pagtaas ng bilang ng kaso ng naturang sakit.
Binibigyan pahintulot ni Mayor Domagoso si Manila Barangay Bureau (MBB) Director Romy Bagay na magsagawa ng Barangay-level lockdowns sa mga lugar na may tumataas na bilang ng COVID-19 cases.
Pinaalahanan din ni Mayor Domagoso ang publiko, na sa kabila ng paghihigpit, ay dapat may galang parin sa mga Batang Maynila ang mga kasapi ng Manila Police District (MPD). Kasama din sa mga tutulong sa MPD na magmonitor sa mga protocols ang daan-daang COVID-19 safety marshals na idedeploy ng Manila Traffic and Parking Bureau (MTPB).
Kasama din sa hakbang ng LGUs sa Maynila kontra COVID-19 ay ang pagbibigay pagkain para sa 700,000 na pamilya, libreng pagbabakuna para sa gov’t healthcare workers at mass swab testing na sagot ng LGU.
(Jacobsen Aquino | La Verdad Correspondent)
