Ilang bayan sa Rizal, lubog sa baha; 2 landslides, naitala

by Radyo La Verdad | August 15, 2016 (Monday) | 2136
File Photo

File Photo

Lubog sa tubig baha ang ilang bayan sa lalawigan ng Rizal dahil sa malakas na pag-ulang dulot ng habagat mula pa noong Sabado.

Hindi madaanan ang ilang pangunahing kalsada sa bayan ng Taytay, Cainta, Rodriguez, Antipolo at San Mateo Rizal dahil sa taas ng baha.

Nakapagtala din ang Rizal Provincial Disaster Risk Reduction and Management Office ng dalawang insidente ng pagguho ng lupa sa Taytay at San Mateo.

Wala namang naiulat na nasaktan o nasugatan sa pangyayari.

Samantala, umabot na sa dalawang libong residente ang kasalukuyang nananatili sa mga evacuation center sa lalawigan.

(UNTV RADIO)

Tags: ,