Manila, Philippines – Highly successful kung isalarawan ng Malacañang ang ika-4 na pagbisita ni Pangulong Rodrigo Duterte sa China.
19 na business agreements na may tinatayang 12.16 Billion US Dollars na halaga ng investment at 21 thousand job opportunities para sa mga Pilipino ang bunga ng ika-4 na pagbisita ni Pangulong Rodrigo Duterte sa China kamakailan ayon sa Malacañang.
Pahayag ni Presidential Spokesperson Salvador Panelo, sakop ng mga naturang kasunduan ang sektor ng enerhiya, imprastraktura, turismo, internet connectivity, agrikultura, training ng mga pilipinong mananatili sa China at iba pa.
Dumalo ang delegasyon ng punong ehekutibo sa 2nd Belt and Road forum for International Cooperation at nagkaroon ng Bilateral meeting kina Chinese President Xi Jinping at Chinese Premier Li Keqiang.
Dagdag pa ni secretary Panelo, nagbunga ng one billion RMB grant ang pakikipagpulong ni pangulong Duterte kay chinese president Xi.DSa usapin naman ng tensyon sa pinag-aagawang teritoryo, iginiit ni pangulong duterte kay chinese president xi na dapat mapanatili ang kapayapaan, estabilidad at pag-unlad sa south china sea.
Gayundin ang pangangailangan ng magkabilang panig na magpigil at mag-ingat sa bawat hakbang upang maiwasan ang paglala ng tensyon.
Sa huli, nagbigay ng katiyakan ang duterte administration na ini-aangat ni pangulong Duterte sa panibagong lebel ang ating independent foreign policy sa pamamagitan ng pagpapaigting ng diplomatic relations sa ibang bansa na nakabatay sa pagtataguyod ng seguridad at interes pambansa.
(Rosalie Coz | Untv News)
Tags: China, Philippines, President Rodrigo Duterte, President Xi Jing Ping
METRO MANILA – Handa na umanong makipagtulungan ang China sa Pilipinas upang maayos ang anomang hindi pagkakaunawaan sa issue ng West Philippine Sea (WPS).
Sa isang press briefing, sinabi ni Chinese Ministry Spokesperson Wang Wenbin na bukas sila sa dayalogo at konsultasyon para mahakanap ng solusyon sa sigalot.
Hindi aniya nila isinasara ang posiblidad ng pakikipag-usap sa Pilipinas.
METRO MANILA – Walang karapatang makialam ang Estados Unidos sa problema sa pagitan ng Pilipinas at China.
Ito ang sinabi sa isang pahayag ni Chinese Foreign Ministry Spokesperson Mao Ning matapos na magbigay ng assurance si US President Joe Biden na ipagtatanggol nito ang Pilipinas sa pag-atake ng ibang bansa kasunod ng pagbangga ng mga barko ng China sa supply boat at Philippine Coast Guard (PCG) vessel sa pinakahuling resupply mission ng Pilipinas sa Ayungin Shoal.
Ayon sa Chinese official, hindi kasali ang Estados Unidos sa usapin sa South China Sea at wala itong karapatan na makialam sa problema sa pagitan ng China at Pilipinas.
Sa ilalim ng 1951 mutual defense treaty ng Pilipinas at Amerika, may obligasyon ang Estados Unidos na saklolohan ang Pilipinas sa gitna ng pag-atake ng ibang bansa.
Binigyang-diin naman ni US President Biden na sakop ng kasunduan ang armed attack sa mga barko ng Pilipinas sa West Philippine Sea (WPS).
METRO MANILA – Inirekomenda ng Department of Justice (DOJ) ang pagsasampa ng kaso laban sa China kaugnay ng mga insidente ng coral harvesting sa West Philippine Sea (WPS).
Ayon kay Justice Secretary Jesus Crispin Remulla, makikipagpulong siya kay Executive Secretary Lucas Bersamin upang talakayin ang issue sa lalong madaling panahon.
Sinabi pa ng kalihim na kahit na walang alitan sa teritoryo ay hindi katanggap-tanggap ang ginawang pagsira ng China sa mga bahura.
Sinabi din ni Remulla na makikipag-ugnayan ang pamahalaan sa top environmental lawyers sa bansa para sa potenyal na aksyong legal.
