Huling pagkakataon na ang ibinigay ng korte sa pangunahing akusado sa Maguindanao massacre na si Andal Ampatuan Jr. upang makapag presenta ng ebidensiya sa kanyang petisyon upang makapag pyansa.
Itinakda ng Quezon City Regional Trial Court Branch 221 sa Mayo a-bente singko ang huling pagdinig upang maipresenta ni Andal Junior ang kanyang rebuttal evidence.
Kapag nabigo pa ang kampo nito na matapos ang presentasyon ng ebidensya ay isusumite na for resolution ang kanyang bail petition.
Ibig sabihin, dedesisyunan na lamang ang hiling ni Andal Jr. na pansamantalang makalaya batay sa mga naipresenta nang dokumento at ebidensiya.
(UNTV NEWS)
