Nilinaw ni Ifugao Rep. Teddy Baguilat na hindi niya tinututulan ang kampanya laban sa iligal na droga sa bansa.

Reaksiyon ito ni Baguilat sa pahayag ni incoming Speaker Davao Del Norte Rep. Bebot Alvarez na mas maigi kung iwan na lang sa NBI o DOJ ang pagiimbestiga ukol sa pagkakapatay sa ilang sangkot sa illegal drugs operations sa bansa.

At maraming mas mahalagang tutukan ang kongreso gaya ng pagpasa sa mga pangunahing panukala batas.

Sinabi ng Congressman na nais niyang ipabatid sa publiko ang responsibiidad ng pulisya sa pagdakip sa mga nagtutulak ng iligal na droga sa bansa kaya siya nagsumite ng resolusyon ukol dito.

Naiintindihan ni Congresman Baguilat kung hindi pa magkaroon ng congressional hearing sa ngayon dahil kailangan pang mag- organisa ng mga komite sa lower house.

Umaasa siya na maisasagawa ang pagdinig na naglalayong mabigyang linaw ang sunod-sunod napagpatay sa mga sinasabing sangkot sa illegal drugs at kung walang nalalabag na batas ang pulisya.

(Grace Casin/UNTV Radio)

Tags: anti-drug campaign, Ifugao Rep. Teddy Baguilat, incoming Speaker Davao Del Norte Rep. Bebot Alvarez