Unti-unti nang napupuno ng mga pasyente ang ilang ospital sa Metro Manila dahil sa patuloy na pagdami ng mga kaso ng Covid-19.
Ayon kay Treatment Czar at Department of Health Undersecretary Doctor Leopoldo Vega, nasa walumpung porsyento na o nasa high-risk level na ang hospital utilization sa mga lungsod ng San Juan, Marikina at Quezon City.
“Itong pagtaas ngayon nitong january na ito, nakita namin na hindi na pareho ang trajectory ng pagtaas ng bilang ng kaso”, ani Usec. Leopoldo Vega, Treatment Czar/Head, One Hospital Command Center.
Pero sa kabila nito sinabi ni Usec. Vega na umaabot pa lamang sa 60 percent ang average capacity o nasa moderate risk pa rin ang hospital utilization rate sa kabuoan ng National Capital Region.
Paliwanag nito, nagiging high-risk lamang ang hospital utilization rate sa ilang syudad dahil nakabatay rin ito sa laki ng kanilang populasyon.
May ilang syudad aniya ang maliliit lamang ang mga ospital kung saan iilan lamang ang bed capacity kaya’t madaling mapuno ang mga ito. Kaya naman kahit may mga mapupuno nang ospital, sinabi ng DOH official na kakayanin pa rin ng mga ospital na serbisyuhan ang dumaraming bilang ng mga nagpopositibo sa Covid-19.
At para mabawasan ang bilang ng mga pasyente sa mga punuang ospital, inirerekomenda ng DOH na ilipat na muna ang ibang pasyente sa mga lugar na may mababang hospital utilization rate.
Samantala, umaabot na sa 3,114 na mga health worker ang tinamaan ng Covid-19 at kasalukuyang naka-isolate ayon sa DOH.
Ayon pa kay doctor Vega, nagkakaroon ngayon ng breakthrough infection o re-infection sa mga health worker.
May ilang ospital aniya ang nagbabalak na isara ang iba nilang serbisyo upang mapagkasya ang natitirang manpower para serbisyuhan ang Covid-19 wards.
Sa ngayon ay inihahanda na ng inter-agency task force ang magiging deployment ng mga uniformed personnel na health workers para sa augmentation sa mga ospital.
“Gumagawa na kami ngayon ng memorandum of agreement para sa afp, Bureau of Fire and Protection, sa pulis paga magkaroon tayo ng deployment ng uniformed personnel across”, dagdag ni Usec. Leopoldo Vega.
Sa ngayon ay nagdadagdag na rin ng mga hotel para sa karagdagang isolation facilities.
Ayon sa DOH, hindi pa dapat isailalim sa alert level 4 ang NCR dahil hindi pa naman lumalagpas sa 70 percent ang kabuoang hospital utilization rate sa rehiyon.
Aileen Cerrudo | UNTV News
Tags: Covid-19, DOH, Hospital utilization rate
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
