Dead on the spot ang isang hinihinalang tulak ng droga matapos makaengkuwentro ng mga pulis sa isinagawang buy-bust operation sa Sitio hacienda, Brgy Sta. Cruz, Antipolo, Rizal kaninang madaling araw.

Bumunot umano ng 38 caliber revolver na baril ang suspek nang malaman nito na operatiba ang bumibili sa kaniya ng tatlong daang pisong halaga ng shabu.

Kinilala lamang ang napatay sa alyas na Jojo.

Narekober sa suspek ang 38 caliber revolver na baril, ilang pakete ng shabu at marked money na ginamit sa transaksiyon.

Ayon kay Police Inspector Mark Papong, station duty officer ng Antipolo police, nasa drug watchlist nila ang suspek na kilalang tulak sa lugar.

Sa madilim na kalye sa naturang lugar umano nakaengkuwentro na mga operatiba ang suspek dahil dito naisagawa ang buy-bust operation.

(Jerico Albano / UNTV Correspondent)

Tags: Antipolo Rizal, buy bust operation, Hinihinilang drug pusher