Inaasahang magpapatupad ng hanggang pisong rollback sa presyo ng produktong petrolyo ang ilang kumpanya ng langis ngayong linggo.

Sa pagtaya ng oil industry players, nobenta sentimos hanggang piso ang mababawas sa presyo ng kada litro ng gasolina.

Sitenta hanggang otsenta sentimos naman ang posibleng tapyasin sa presyo ng bawat litro ng diesel habang nobenta sentimos hanggang piso naman sa kerosene.

Nitong nakalipas na Abril, tatlong magkakasunod na price increase ang ipinatupad ng ilang kumpanya ng langis ngunit nagrollback naman sa huling linggo ng buwan.

Tags: bawas presyo, produktong petrolyo