Sa kuha ng cellphone video, nag-away ang kampo ni Gilas Pilipinas Player Terrence Romeo at isang grupo na fan umano nito sa labas ng isang bar sa Tomas Morato sa Terrence Romeo pasado alas kwatro kaninang madaling araw.

Ayon kay Darwin Ikkoh Peliña ng nasapak na mga ka-grupo ni Rome , magpapa-picture lamang sila sa basketball star bago umuwi nang biglang may sumapak sa kanya.

“Balak ko lang magpapicture sa idolo ko si Terrence, nagkagulo sa bar bigla na lang may bumanat sa akin di ko alam kung sino, si Terrence ba o yung grupo niya”. -pahayag ni Darwin Pelina

Ayon naman sa live in partner ni Darwin na si Clarrisa Cabrera, grupo ni Romeo ang sumuntok kay Darwin at nadamay ang pinsan ni Darwin na si Maui Pelina na nasuntok umano ni Terrence Romeo sa ulo dahil sa pagkakainitan ng grupo.

Nakunan pa ni Cabrera ng litrato at video na sinusugod ni Maui si Terrence Romeo upang gumanti ngunit inaawat na lang sila ng mga bouncer ng bar.

Hindi agad nagbigay ng panayam si Terrence Romeo kundi sinabing tingnan na lamang ang cctv video sa Gilis Bar sa Tomas Morato.

“Ito lang po yung sasabihin ko check ninyo lang po yung cctv then pagkatapus niyong macheck sa Gilis saka niyo ko balikan”. -pahayag ni Terrene Romeo

Nang ipakita na nila ang mga ito sa kampo ni Romeo, itinanggi ng mga basketbolista na kakilala nila ang nanapak kay Darwin na tumanggi ng magpainterview sa harap ng camera.

Ayon sa pulisya, nakapag-usap na ang dalawang kampo at wala namang reklamo na isinampa ang kampo ni Cabrera.

Sa ngayon ay tinitingnan ng mga otoridad ang cctv sa bar upang matukoy kung sino ang posibleng managot sa nangayaring kaguluhan.

Kung maaalala, nasangkot din kamakailan ang Gilas Pilipinas. Kasama si Romeo sa isang bugbugan na siyang nagpatigil sa laro ng koponan laban sa Australia.

( Reynante  Ponte / UNTV Correspondent )

Tags: Gilas Pilipinas, Quezon City, Terrence Romeo