Pasado ala syete ng umaga kahapon nang i-report sa Alilem Municipal Police Station ang natagpuang katawan ng bata na wala nang buhay sa Anaao Elementary School.

Nakita ng mga rumespondeng otoridad ang onse anyos na biktima sa may bintana ng school canteen.

Batay sa inisyal na imbestigasyon ng Alilem Police, nakuryente ang grade four student matapos dumikit sa live wire na nakadikit sa bakal na bintana ng canteen.

Inamin naman ng isang guro ang paglalagay ng live wire sa bintana bilang panakot sa mga magnanakaw sa school canteen.

Sa ngayon ay hinihintay pa ng mga otoridad ang disesyon ng ina ng biktima na nasa abroad kung magsasampa ito ng kaso laban sa guro.

(Toto Fabros / UNTV Correspondent)

Tags: Grade 4 student sa Alilem, Ilocos Sur, natagpuang wala nang buhay sa bintana ng school canteen matapos makuryente