Nagdeklara na si Sen. Grace Poe ng balak nitong pagtakbo sa pagka-pangulo sa susunod na taon.
Sa isang programa sa University of the Philippines (UP) Bahay ng Alumni, Miyerkules ng gabi, inanunsyo ng senador ang intensyon nitong kumandidato sa pagka-pangulo.
Dumalo sa event ang buong pamilya ng senador sa pangunguna ng ina nitong si Susan Roces.
“Ako po si Grace Poe – Pilipino, anak, asawa, at ina. At sa tulong ng mahal na Diyos ay inaalay ko sa inyong lahat ang aking sarili sa mas mataas na paninilbihan bilang inyong pangulo,” pahayag ni Poe sa gitna ng hiyawan ng kanyang mga tagasuporta.
Ayon kay Poe, isusulong niya ang mga programa para sa masa at mga mga manggagawa gayon din ang edukasyon, sining, palakasan, imprastraktura , usaping pangkapayapaan, resolusyon sa territorial dispute, at iba pa.
Ipinangako rin ng senador na itutuloy nito ang adhikain ng amang si FPJ na isulong ang tapat na paglilingkod-bayan lalo na sa mga mahihirap.
Tags: 2016 election, Grace Poe, pangulo
