Inireklamo ng mga tauhan ng isang Resto Bar sa Tondo, Maynila ang isang lalaking naglalaro umano ng baril habang nakikipag-inuman pasado alas syete kagabi. Kinilala ang suspek na si Rodelio Reyes na clerk sa Manila City Hall.
Agad nagsagawa ng Oplan Bakal ang mga tauhan ng Delpan police matapos matanggap ang reklamo. Nakuha sa suspek ang 9mm na baril at ang lisensya nito.
Mahaharap si Reyes sa reklamong alarm and scandal at posibleng makansela ang lisensya nito dahil sa paglabag sa isa sa mga probisyon nito.
Nakasaad sa permit to carry firearms outside of residence na bawal dalhin ang baril sa mga places of worship at public drinking places.
( Asher Cadapan / UNTV Correspondent )
