Mas pinaaga na ng Light Rail transit o LRT line 2 ang simula ng biyahe ng kanilang mga tren.
Simula ngayong araw ay alas-kwatro y media na ng madaling araw ang first trip mula Santolan hanggang Recto.
Ito ay upang mai-ayon sa oras ng pagbiyahe ng mga pasahero at para makasabay sa simula ng iskedyul ng lrt-1 at Metro Rail Transit line 3.
Ayon kay Light Rail Transit Authority administrator Retired Police Director Reynaldo Berroya, dumami na ang mga pasaherong pinipiling bumiyahe nang mas maaga upang makaiwas sa mabigat na trapiko.
Hinihikayat naman ni Berroya ang mga pasahero na sumakay na ng tren sa oras na magbukas ang istasyon upang makaiwas sa mahabang pila pagsapit ng ala syete hanggang alas nuebe ng umaga o rush hour.
Tags: LRT line 2, pinaaga, simula
Manila, Philippines – Ipinag-utos ng pamunuan ng Light Rail Transit Authority (LRTA) ang pagbubuo ng isang fact-finding committee para sa masusing pagsisiyasat ng sanhi ng aksidente sa pagitan ng dalawang bagon ng Lrt line 2 noong Sabado ng gabi.
Sa pahayag ng lrta, bigla umanong umandar ang isang tren na nakahimpil sa isang pocket track sa pagitan ng Anonas at Cubao station at pumasok sa main track.
Na-monitor umano ito ng control center ng lrt2 at binigyan ng hudyat ang bumabyaheng tren na papalapit sa dapat ay naka-himpil na bagon. Sinubukan ng bumabyaheng tren na mag-full stop ngunit nabangga pa rin nito ang bagon.
“For unknown reason, which is still the subject of further investigation through a fact-finding which is being instructed by the administrator, gumalaw ‘yung supposedly na sira na tren.” ani Finance Undersecretary, Garry De Guzman.
Nasugatan ang 30 pasahero at 4 na tauhan ng lrt2. Agad ring nakauwi ang mga nasugatan maliban sa limang pasaherong nananatili sa mga kalapit na ospital.
Pansamantalang itinigil ang operasyon ng lrt2 para magsagawa ng clearing operations at safety check. 12:13 ng tanghali ng Linggo o kahapon ng bumalik sa normal ang operasyon ng tren.
Tiniyak naman ng lrta at Department of Transportation (DOTr) na ginagawa nito ang lahat ng paraan upang hindi na maulit ang insidente. Nananatili anilang ligtas na transportasyon ang lrt l2 at solated case lang ang nangyaring aksidente.
“Kung mababawasan ho ‘yung mga tumatakbong lrt, natural may epekto ho ‘yan. Pero sa ganyang management, titingnan ho lahat ‘yan para nang sa ganoon, yung epekto sa operasyon ay hindi unnecessarily wide and deep.” ani Department of Transportation Secretary, Arthur Tugade
Inaasahan na maglalabas ng pahayag ang lrta matapos ang isinasagawang imbestigasyon kaugnay sa insidente.
(Asher Cadapan Jr. Live)
Simula kahapon makikita na sa loob ng tren ng LRT Line 2 ang health reminders at health tips ng DOH dahil sa inilunsad na programang Train Wrap.
Ayon kay Secretary Francisco Duque III, sa ganitong paraan ay mapapaalalahan ang milyong-milyong mananakay kung paano pangalagaan ang kanilang kalusugan at huwag balewalain ang mga payo ng mga ekperto.
Nakapaskil din sa loob at labas ng mga bagon ang mga impormasyon kaugnay ng mga programa ng DOH.
Ayon sa DOH, apat na milyong piso ang nakalaan para sa paglulunsad ng ganitong programa para sa apat na bagon ng LRT Line 2.
Ang DOH Train Wrap ang kauna-unahahang programa ng kagawaran na may koordinasyon sa LRT at inobasyong pangkalusugan gamit ang teknolohiya upang maabot maging ang mga ordinaryong Pilipino.
Ayon naman kay Dr. Mar Wyn Bello ng Health Promotions at Communication Services, isa itong magandang paraan upang maabot ang mga Pilipinong abala araw- araw at tila nakakalimot na sa mga impormasyong pangkalusugan.
Nagsisimula ang operasyon ng DOH Wrapped Train alas 4:30 ng umaga hanggang alas diyes y media ng gabi.
( Aiko Miguel / UNTV Correspondent )
Tags: DOH, health reminders, LRT line 2
