Inaprubahan na kahapon ng Senado sa third and final reading ang Expanded Maternity Leave Bill.
Nakasaad sa panukala ang pagpapalawig sa paid maternity leaves ng hanggang isang daan at dalawampung araw mula sa kasalukuyang 60-78 days.
Nakapaloob din dito na dapat mabigyan ng karagdagang isang buwan pa ang mga solo working mother.
Ikinatuwa naman ni Sen. Risa Hontiveros na siyang main author ng Senate Bill 1305 ang pagkakapasa sa naturang panukalang batas kasabay ng pagdiriwang ng women’s month.
