Posibleng lagdaan na ni Pangulong Rodrigo Duterte sa darating na Biyernes ang Executive Order upang maipatupad na ang Freedom of Information sa pamahalaan.
Ayon kay Presidential Communications Secretary Martin Andanar, tatapusin na ngayong araw ang draft ng E.O. at posibleng maaprubahan na ito sa darating na Biyernes.
Kahapon nakipagpulong si Secretary Andanar at Executive Secretary Salvador Medialdea sa FOI Bill advocates bilang bahagi ng konsultasyon.
Kabilang sa dumalo sa pulong ay sina Malou Mangahas ng Philippine Investigative Journalism, mga abogado na sina Nepoo Malaluan, Ryan Acosta, Mara Querol at Kris Ablan.
(UNTV RADIO)
