Mananatili pa rin sa Senado si dating Bureau of Customs (BOC) Intelligence Officer Jimmy Guban.
Ito ay sa kabila nang naging utos ni Pangulong Rodrigo Duterte na pag-aresto kay Guban dahil sa pagkasangkot nito sa nakalusot umano sa bansa na 6.8 bilyong pisong shabu shipment.
Sa text message ni Senate President Vicente Sotto III, sinabi nitong hindi ibibigay ng Blue Ribbon Committee ang kustodiya kay Guban maliban na kung may warrant of arrest na ihahain ang mga otoridad.
Ngunit depende pa rin aniya sa chairman ng Blue Ribbon Committee na si Senator Richard Gordon kung iti-turnover si Guban sa kinauukulan. Sinang-ayunan naman ni Senator Gordon ang posisyon na ito ng Senate President.
Sa pagharap sa media kahapon ni Gordon kasama si Guban, sinabi ng senador na kailangan pa aniya ng malalimang imbestigasyon sa shabu shipment.
Irerekomenda na rin ng komite sa Department of Justice (DOJ) na mapasailalim sa witness protection program si Guban. Mapapatunayan umano ni Guban kung sino ang nasa likod ng naturang shabu shipment na posibleng may sangkot rin na ilan pang matatataas opisyal.
Ayon pa kay Senator Gordon, hindi rin basta-basta ngayon papayagan ng komite na magpagala-gala si Guban dahil na rin sa banta sa kaniyang seguridad matapos ibulgar ang kaniyang nalalaman.
May nakahanda na ring rekomendasyon ang senador batay sa kanilang ilalabas na committee report kung sino ang mga posibleng makasuhan sa naturang shabu shipment.
Si Guban ay nakadetine sa Senado mula pa noong ika-12 ng Setyembre matapos i-cite for contempt ni Senator Gordon dahil sa umano’y hindi pagsasabi noon ng totoo sa imbestigasyon ng komite kaugnay ng naturang shabu shipment.
( Nel Maribojoc / UNTV Correspondent )
Tags: Ex-Customs Intel Jimmy Guban, PNP, Senado
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
