Dumalo sa pagdinig sa DPJ si CInsp. Jovie Espenido upang sagutin ang reklamong murder at arbitrary detention na isinampa sa kanya at tatlo pang mga pulis.
Mariin nitong itinanggi na sinadya ang pagpatay sa siyam na hinihinalang miyembro ng Martilyo Gang sa ginawang operasyon ng mga pulis sa barangay Cavinte at Balintawak sa Ozamiz City noong June 1.
Anim na suspek pa ang naaresto na nakunan ng mga baril, alahas at shabu. Giit ni Espenido, lehitimo ang operasyon ng mga pulis at pakana lamang ng mga Parojinog ang kaso.
Ayon kay Espenido, tatapusin niya ang kanyang nasimulang trabaho sa Ozamiz bago siya magtungo ng Iloilo City. Kakausapin din muna niya si Mayor Jed Mabilog gaya ng dati niyang ginagawa bago magsagawa ng operasyon sa mga lugar na napuntahan niya.
Bahagi lang aniya ng kanyang trabaho ang pagpunta ng Iloilo at walang dapat ikabahala ang alkalde. Dati nang sinabi ng Pangulo na sangkot sa iligal na droga si Mayor Mabilog.
(Victor Cosare / UNTV Correspondent)
Tags: Espenido, Martilyo Gang, Ozamiz City
Hindi pinalampas ni Pangulong Rodrigo Duterte ang pagkakataong magbitiw ng matinding babala laban sa mga ninja cop o mga pulis na sangkot sa operasyon ng iligal na droga kabilang na ang pagre-recycle ng mga nakukumpiska nilang ipinagbabawal na gamot.
Ginawa ng Pangulo ang pahayag sa gitna ng mga negosyante sa 45th Business Conference and Expo sa Maynila kagabi.
“You know, kayong mga ninja, kayong mga holdaper, kayong mga drug pusher, akala ninyo kayo lang ang matigas because you think that you have a monopoly of evil in this country. Well, i think you are — that’s a very stupid paradigm because I can be evil like you and more than if I want to be,” pahayag ni Pangulong Rodrigo Duterte.
Bukod dito, inihayag din ng Pangulo kung bakit inilipat niya sa Bacolod City ang police officer na si Lieutenant Colonel Jovie Espinido.
“Hindi nila binilang ang Davao, Bacolod is badly hit now and I placed Espenido there. ‘Yung tinatakutan nila na pulis. Sabi ko, “go there and you are free to kill everybody.” T*** i**** ‘yan. “Go, start killing them.” Ako nang — dalawa na tayong pa-preso,” ani Pangulong Rodrigo Duterte.
Matatandaang inalis sa pwesto ng Pangulo ang dating Bacolod City of Police Chief Senior Supt. Francis Ebreo at iba pang police officers noong Enero dahil umano sa pagkakasangkot sa operasyon ng iligal na droga.
Samantalang kontrobersyal naman si Espinido dahil siya ang hepe ng pulisya sa Albuera Leyte at Ozamiz City kung saan ang mga Alkalde nitong sina Rolando Espinosa, Sr. at Reynaldo Parojinog ay kapwa napaslang sa mga police anti-drug operations noong 2016 at 2017.
(Rosalie Coz | UNTV News)
Tags: Bacolod, Drug offender, Espenido
Inatasan na ni Pangulong Rodrigo Duterte ang pinuno ng Philippine National Police (PNP) na ibalik na sa kanyang dating destino sa Ozamiz City, Misamis Occidental ang kontrobersyal na si Police Superintendent Jovie Espenido.
Sa kanyang talumpati kagabi sa ground breaking ceremony ng Ozamiz Airport Modernization Project, sinabi ng Pangulo na nais niyang ibalik si Espenido sa Ozamiz City.
Ayon sa Pangulo, mas mapapanatag ang mga residente ng Ozamiz City kapag muling maidedestino sa kanilang lugar si Espenido.
Si Espenido ang dating police chief ng Ozamiz City na nanguna sa anti-illegal drug operation sa lugar kung saan napatay ang mayor ng lungsod na si Reynaldo Parojinog Sr.
Dati na rin siyang nadestino sa Albuera Leyte, kung saan napaslang rin sa anti-illegal drug operation si Mayor Rolando Espinosa Sr.
Si Mayor Parojinog Sr., at Mayor Espinosa Sr. ay kapwa kabilang sa umano’y narco politicians na sinasabing sangkot sa paglaganap ng iligal na droga sa kanilang mga lugar.
Nito lamang Oktubre 2018, naitalaga si Espenido bilang hepe ng Virac, Catanduanes na ayon sa PNP ay may kaugnayan sa promotion sa pwesto ng opisyal.
( Joan Nano / UNTV Correspondent )
Tags: Ozamiz City, Pangulong Duterte, Police Supt. Jovie Espenido
Nakiusap si Ozamiz City Police Chief Jovie Espenido kay Pangulong Rodrigo Duterte na kung maaari ay bigyan pa siya ng panahon upang manatili sa Ozamiz City. Ito ay upang tapusin ang kanyang kampanya kontra kriminilidad. Ngunit tiniyak naman nito na handa siyang sumunod kung ano man ang magiging direktiba ng Pangulo.
Ayon kay Espenido, nais niyang magbuo ng isang grupo na makakatulong sa mabilis na pagsugpo ng krimen sa syudad. Kaya nanawagan ito sa mga Ozamiznon na makiisa sa pagtatatag ng grupo na tatawing “Alsa Masa”
Ito ay isang Barangay Intelligence Information Network para mabilis na makita o mahuli ang mga kriminal. Hiniling din nito sa lokal na pamahalaan ng Ozamiz na kung maari ay lagyan ng body cam ang mga pulis sa syudad para umano sa transparency ng kanilang mga operasyon.
(Weng Fernandez / UNTV Correspondent)
Tags: Alsa Masa, Chief Inspector Jovie Espenido, Ozamiz City
