Itutuloy pa rin ni Eastern Police District Director P/SSupt. Elmer Jamias ang mga kasong isinampa nito laban kay Vice President Jejomar Binay kahit na manalo pa ito sa 2016 Presidential Elections.
Ayon kay Jamias, kasalukuyang nasa evaluation na ng NCRPO Legal Department ang inihain nyang kasong direct assault at threat laban sa pangalawang Pangulo.
Itinanggi rin ng Director ng EPD na nakuha niya ang kaniyang kasalukuyang posisyon bilang gantimpala sa ginawang paninindigan nito laban sa kampo ni Binay kaugnay sa Makati stand off noong buwan ng Hunyo.
Magugunitang kinompronta ni Binay si Jamias na noon ay ground commander ng mga pulis na nagbantay sa labas ng Makati City Hall dahil sa hindi nito pagpapapasok sa mga supporter ni suspended Mayor Junjun Binay ( Lea Ylagan / UNTV News)
Tags: Eastern Police District Director P/SSupt. Elmer Jamias
