Nagsagawa ng Election Tokhang ang Philippine National Police (PNP) Region 8 sa pangunguna ni Police Chief Superintendent Gilberto Cruz kasama ang mahigit sa isang daang police sa mga hotspot barangay ng Calbayog City sa Samar.

Ayon kay Cruz, kagaya umano ng ginawa sa mga identified na sangkot sa iligal na droga ay kinatok nila ang mga kandidato at pinakiusapang maging mahinahon at ipinaalala na kailangang maging malinis at tahimik ang eleksyon.

Dagdag pa niya, sa paraang ito umano hindi na makakapanakot sa mga botante at kandidato ang mga goons at private armed group.

Matatandaang nagdeploy ang PNP at AFP ng karagdagan na 2,690 na augmentation ng pwersa na magbabantay ngayong halalan.

( Archyl Egano / UNTV Correspondent )

Tags: Election Tokhang, hotspot, Samar