METRO MANILA – Naniniwala si Presidential Spokesperson Harry Roque na mapapanatili ng bansa ang paglago ng ekonomiya sa huling bahagi ng taon.
Ito ang tugon ng palace official nang tanungin kung sustainable ba ang economic growth sa gitna ng umiiral na pinaka-istriktong community quarantine sa National Capital Region.
“And we’re hoping po na bagama’t tayo po ay nag-lockdown ngayon ng two weeks ‘no, na makakabawi pa rin tayo sa last quarter. Ginawa nga po natin itong lockdown na ito ngayon na para makabangon tayo ng last quarter ng taon dahil iyong last quarter po, traditionally, iyan ang pinakamasiglang panahon para sa ekonomiya.” ani Presidential Spokesperson Sec. Harry Roque.
Matapos ang ilang beses na pagbagsak, nakaranas na rin ng Pilipinas ng paglago ng ekonomiya sa gitna ng krisis sa kalusugan nang maitala ang 11.8% na Gross Domestic Product (GDP) sa second quarter ng 2021.
Pinakamataas itong naitala mula noong 4th quarter ng 1988 at may pinakamalaking nai-ambag sa ekonomiya ang mga sektor ng manufacturing, construction, wholesale at retail trade at repair ng motor vehicles at motorcycles.
Ibig sabihin, pagkatapos ng 15 buwan ng contraction, nakabalik na sa year-on-year growth ang ekonomiya ng bansa.
Ayon sa economic managers ng Duterte administration, ito ang resulta sa pagbalanse sa pag-iingat ng kalusugan at hanapbuhay sa gitna ng pandemya.
“The robust performance is driven by more than just base effects. It is the result of a better balance between addressing COVID-19 and the need to restore jobs and incomes of the people” ani National Economic and Development Authority Sec. Karl Chua.
Ayon naman kay National Statistician Dennis Mapa, kinakailangang 8.2% ang maging paglago ng ekonomiya sa 2nd half ng 2021 upang maabot ang 6% na gdp growth para sa taong ito.
(Rosalie Coz | UNTV News)
METRO MANILA – Bumagal ang naitalang paglago ng ekonomiya ng Pilipinas sa kabuoan ng taong 2023.
Base sa report ng Philippine Statistics Authority (PSA) naitala sa 5.6% ang Gross Domestic Product (GDP) ng bansa noong 4th quarter ng 2023 na mas mabagal kumpara sa 6% noong 3rd quarter ng nakaraang taon.
Mas mababa rin ito sa 7.1% GDP growth rate na naitala noon sa kaparehong quarter noong 2022.
Sa kabuoan ng 2023, umabot lamang sa 5.6% ang economic performance ng bansa, na mas mabagal kumpara sa 7.6% na naitala noong 2022.
Dahil dito hindi naabot ang target sana ng gobyerno na 6%-7% GDP growth rate ngayong taon.
METRO MANILA – Naniniwala pa rin ang administrasyon ni Pangulong Ferdinand Bongbong Marcos Jr. na magiging maganda ang usad ng ekonomiya ng bansa ngayong taon kahit na may mga hamon at epekto ng mga kaguluhan sa ibang mga bansa.
Tiwala ang economic managers ng pangulo na maaabot ang 6% to 7% na Gross Domestic Product (GDP) growth rate para sa taong 2023.
Ayon kay Finance Secretary Benjamin Diokno, maganda ang posisyon ng Pilipinas pagdating sa pananalapi at estado ng utang nito sa labas ng bansa.
Dagdag ng kalihim, nakikita ng world bank na posibleng mahigitan ng Pilipinas ang paglago ng ekonomiya ng ibang mga bansa sa East Asia.
Ilang hakbang ang tututukan ng administrasyon upang maabot ang tinatarget nitong Gross Domestic Product (GDP) growth kabilang na ang mabilis at maayos na paggamit ng pondo ng mga ahensya, pataasin ang produksyon sa agrikultura at targeted subsidy para sa mga sektor na apektado ng inflation.
METRO MANILA – Sisikapin ng administrasyon ni Pangulong Ferdinand Marcos Junior na magtutuloy-tuloy ang paglago ng ekonomiya ng Pilipinas sa ilalim ng kanyang termino.
Ito ang tiniyak ni National Economic Development Authority (NEDA) Secretary Arsenio Balisacan kasunod ng naitalang paglago ng Gross Domestic Product (GDP) ng bansa sa ikatlong quarter ngayong taon.
Kumpiyansa si Secretary Balisacan na on-track ang Pilipinas sa pag-abot ng economic at social transformation targets sa ilalim ng Philippine Development Plan para sa taong 2023 hanggang 2028.
Base sa latest report ng Philippine Statistics Authority (PSA) tumaas sa 5.9% ang naitalang GDP ng bansa ngayong 3rd quarter ng taon, mas mataas ito kumpara sa 4.3% na paglago noong second quarter.
Gayunman mas mabagal pa rin ito sa 7.7% na growth rate ng GDP ng bansa na naiatala sa kaparehong quarter noong 2022.
Tags: GDP, PH Economy
