Lumago ng 6.9% ang ekonomiya ng bansa sa unang quarter ng taong 2016.
Mas mataas ito sa 5% noong first quarter at 6.5% ng fourth quarter ng taong 2015.
Ayon sa National Economic Development Authority malaki ang ambag ng sektor ng industriya at services gaya ng mga call center industry sa paglago ng ekonomiya nitong first quarter.
Ngunit bagsak naman ang sector ng agrikultura dahil sa epekto ng el nino sa mga pananim at palaisdaan sa buong bansa.
Sa kabila nito nangunguna pa rin ang ekonomiya ng Pilipinas sa mga kalapit na bansa sumusunod sa China, Vietnam, Indonesia at Malaysia.
Sa ngayon hindi pa masabi ng neda kung ano ang magiging lagay ng ekonomiya sa pagpasok ng administrasyon ni President–elect Rodrigo Duterte.
Bagamat tanggap ng mga nasa business sector ang 8 point economic agenda ni Duterte, ayon sa NEDA, depende pa rin ito kung paano mag re-react ang mga investor.
Upang hindi hilahin pababa ng sektor ng agrikultura ang ekonomiya ng bansa kailangang tutukan ng susunod na administrasyon ang pagtatayo ng mga tulay at kalsada
Ayon sa NEDA kung ibabase sa kasaysayan, hindi malaki ang epekto sa takbo ng ekonomiya ng bansa ang pagpapalit ng administrasyon.
Bago matapos ang taong 2016, kompyansa ang neda na mararating ang kanilang forecast na paglago ng ekonomiya ng 6.8 hanggang 7.8 percent.
(Mon Jocson/UNTV NEWS)
METRO MANILA – Ipinahayag ng National Economic and Development Authority (NEDA) na ang pagsailalim ng ilang bahagi ng bansa sa COVID-19 Alert Level 1 ay makapagpapaigting lamang ng operational capacities para sa business establishments at iba pang mga aktibidad.
Ngunit para maabot ng bansa ang full economic recovery, dapat nang buksan ang lahat ng paaralan para sa face-to-face learning.
Ayon sa NEDA, maliban sa pagsusulong ng pagkatuto at productivty ng mga bata, makapagdaragdag din ito ng P12-B na halaga sa kita ng ekonomiya kada linggo.
Sa kasalukuyan, 13.1% lamang ng mahigit 60,000 basic education schools sa buong bansa ang nagsasagawa na ng face-to-face learning o kaya ay handa na para rito.
Nito lamang Pebrero nang ilunsad ng pamahalaan ang massive vaccination campaign for kids para sa mga edad 5-11.
Samantala, hindi lang P10-B kundi nasa P16.5-B na economic activity kada linggo ang ibubunga ng pagsasailalim ng buong Pilipinas sa COVID-19 Alert Level 1.
Dagdag pa dito ang halagang P5.2-B na pasahod at 297,000 na dagdag trabaho sa susunod na quarter.
Giit pa ni NEDA Director General Sec. Karl Chua, pinakamakikinabang ang tourism sector na nilugmok ng pandemiya sa loob ng 2 taon.
At bunsod ng pagluluwag ng COVID restrictions, posibleng kumita ito ng hanggang P750-B.
(Rosalie Coz | UNTV News)
METRO MANILA – Naniniwala si Presidential Spokesperson Harry Roque na mapapanatili ng bansa ang paglago ng ekonomiya sa huling bahagi ng taon.
Ito ang tugon ng palace official nang tanungin kung sustainable ba ang economic growth sa gitna ng umiiral na pinaka-istriktong community quarantine sa National Capital Region.
“And we’re hoping po na bagama’t tayo po ay nag-lockdown ngayon ng two weeks ‘no, na makakabawi pa rin tayo sa last quarter. Ginawa nga po natin itong lockdown na ito ngayon na para makabangon tayo ng last quarter ng taon dahil iyong last quarter po, traditionally, iyan ang pinakamasiglang panahon para sa ekonomiya.” ani Presidential Spokesperson Sec. Harry Roque.
Matapos ang ilang beses na pagbagsak, nakaranas na rin ng Pilipinas ng paglago ng ekonomiya sa gitna ng krisis sa kalusugan nang maitala ang 11.8% na Gross Domestic Product (GDP) sa second quarter ng 2021.
Pinakamataas itong naitala mula noong 4th quarter ng 1988 at may pinakamalaking nai-ambag sa ekonomiya ang mga sektor ng manufacturing, construction, wholesale at retail trade at repair ng motor vehicles at motorcycles.
Ibig sabihin, pagkatapos ng 15 buwan ng contraction, nakabalik na sa year-on-year growth ang ekonomiya ng bansa.
Ayon sa economic managers ng Duterte administration, ito ang resulta sa pagbalanse sa pag-iingat ng kalusugan at hanapbuhay sa gitna ng pandemya.
“The robust performance is driven by more than just base effects. It is the result of a better balance between addressing COVID-19 and the need to restore jobs and incomes of the people” ani National Economic and Development Authority Sec. Karl Chua.
Ayon naman kay National Statistician Dennis Mapa, kinakailangang 8.2% ang maging paglago ng ekonomiya sa 2nd half ng 2021 upang maabot ang 6% na gdp growth para sa taong ito.
(Rosalie Coz | UNTV News)
METRO MANILA – Higit na mas mababa sa inaasahang pagbagsak ng ekonomiya ang resulta ng pinalawig na estriktong community quarantine noong buwan ng Abril hanggang Hunyo.
Ayon sa Malacanang, bagaman inasahan na nila ito, hindi nila akalain na ganito kalaki ang ang magiging epekto ng lockdown sa ating ekonomiya.
Mula sa negative 0.7% sa first quarter ng 2020, lumagpak pa sa negative 16.5% ang Gross Domestic Product (GDP) ng bansa mula Abril hanggang Hunyo ayon sa ulat ng Philippine Statistics Authority (PSA).
Ayon sa PSA, ito na ang pinakamababang pagbagsak ng gdp sa nakalipas na 39 na taon.
“Given the drop of 16.5 percent for the quarter, we revert back to the first quarter of 1981, as I mentioned this is the lowest, the biggest drop in other words” ani PSA National Statistician, Usec. Claire Dennis Mapa.
Dahil dito, muling nanawagan ang palasyo sa kongreso na ipasa na ang Bayanihan 2 upang mapaigting ang tugon ng pamahalaan sa COVID-19.
Gayundin ang Corporate Recovery and Tax Incentives for Enterprises o Create Act para makatulong naman sa pagbangon ng mga negosyo at trabaho.
Positibo rin ang pananaw ng National Economic Development Authority (NEDA) na makakabawi ang ekonomiya sa susunod na taon sa pamamagitan ng mga programa ng pamahalaan.
“Our build, build, build program, our Bayanihan 2 which we hope to get passed soon, and our upcoming 2021 budgets are the instruments to ensure that we recover as soon as possible.” ani NEDA Sec. Karl Chua.
(Rosalie Coz | UNTV News)
Tags: 2ND Quarter, ekonomiya
