Nilinaw ni Sandiganbayan Presiding Justice Amparo Cabotaje-Tang na hindi impluwensiyado ng sinoman lalo na ng kasalukuyang administrasyon ang mga inilalabas nilang desisyon.

Ito ay matapos na umani ng pagpuna ang pagka-dismiss na kaso ng ilang high profile official gaya nina dating Presidente Gloria Macapagal Arroyo at Department of Agriculture Secretary Joc-Joc Bolante.

Nagkataon lamang aniya na nailabas ang mga resolusyon sa mga naturang kaso sa panahon ng Duterte Administration.

Dagdag pa nito, kumpara noong nakaraang taon, totoong bumilis ang pagproseso ng mga kaso sa Sandiganbayan lalo na at mayroong dalawang division na nadagdag.

Hindi rin aniya totoo na inuuna nila ang mga high profile officials kundi pantay-pantay ang pagtrato nila sa kaso.

Tags: Duterte admin, Justice Cabotaje-Tang, walang kinalaman sa pagka-dismiss ng high profile cases sa Sandiganbayan