Patay ang isang drug store owner matapos barilin sa loob ng kanyang tindahan sa San Jose del Monte, Bulacan kagabi.
Kinilala ang biktima na si Loigene Geronimo isang pharmacist, apat na pung taong gulang, may asawa at dalawang anak.
Ayon sa Bulacan police mag-isang nagbabantay sa botika ang biktima nang mangyari ang krimen.
Sa kuha ng CCTV camera sa botika, makikita ang isang lalaking naka-sombrero na lumapit at tila kinakausap ang biktima.
Makalipas ang ilang saglit ay pinaputukan si Geronimo ng dalang improvised handgun.
Ini-imbestigahan na ng mga otoridad ang motibo ng pamamaril.
