Nakahanda na ang draft ng administrative order kaugnay ng bubuuing task force sa media killing ng Malakanyang.

Sa isang panayam sa stater-run radio station na DZRB, sinabi ni Presidential Communications Office Secretary Martin Andanar, susuriin muna ito ni Presidential Legal Counsel Salvador Panelo at sa Office of the Executive Secretary, bago pirmahan ni Pangulong Rodrigo Duterte.

Dagdag pa ni Secretary Andanar, kasama sa iimbestigahan ng bubuuing task force ang mga nakalipas na media killings, kabilang na ang Maguindanao massacre.

November 2009 nang harangin at patayin ang limampu’t walong tao na kabilang sa convoy ng asawa ni Maguindanao Governor Toto Mangudadatu na magpa-file sana ng kanyang certificate of candidacy.

Tatlumpu’t dalawa sa mga ito ay mga mamamahayag.

(UNTV RADIO)

Tags: media killing, Presidential Communications Office Secretary Martin Andanar