Makakakuha ng dagdag benepisyo sa leave ang mga household service workers.

Ayon kay Labor Secretary Silvestre Bello III,  may tatlong batas na nagbibigay ng special leave benefits sa mga kasambahay.

Batay sa abiso ng DOLE, ang mga household service workers na pasok sa requirements para sa solo parent leave, special leave benefit for women sa ilalim ng magna carta for women at violence against women and their children leave ay maaaring mag-aplay para sa nasabing mga leave benefit.

Ang mga nasabing benepisyo sa leave ay liban pa sa limang araw na service incentive leave na nakasaad sa labor code.

Hinikayat ni Bello na magkaroon ng maayos na dayalogo ang mga kasambahay at employer para maresolba ang anomang hindi pagkakaintindihan kaugnay dito.

Tags: dagdag benepisyo, DOLE, kasambahay