Mariing itinanggi ng Department of Justice na tinanggap na sa Witness Protection Program ang high profile inmate na si Jaybee Sebastian.
Kasunod ito ng napabalitang pahayag ng abogado ni Sebastian na si Atty. Eduardo Arriba na isinailalim na sa WPP ang kanyang kliyente.
Dati nang sinabi ni Justice Sec. Vitaliano Aguirre na hindi nila pinaniniwalaan ang lahat ng sinasabi ni Sebastian kahit pa naniniwala sila sa sinabi nitong si dating Justice Sec. Leila de Lima ang naging protektor niya sa pagbebenta ng droga sa Bilibid.
Nitong Martes, kasama sina de Lima at Sebastian sa mga kinasuhan ng drug trafficking kaugnay ng illegal drugs trade sa Bilibid.
(Roderic Mendoza / UNTV Correspondent)
Tags: DOJ, itinangging tinanggap, Jaybee Sebastian, Witness Protection Program
METRO MANILA – Kapwa tinutulan ng Department of Justice (DOJ) at Philippine National Police (PNP) ang mga panawagang secession o paghiwalay ng Mindanao sa Pilipinas.
Ayon sa DOJ, labag sa prinsipyo ng democratic society ang secession alinsunod sa Article 2, Section 2 ng konstitusyon.
Bilang principal law agency ng ehekutibo, nananatili umanong committed ang DOJ sa pangangalaga sa soberanya ng Pilipinas.
Ayon naman kay PNP Chief PGen. Benjamin Acorda Jr., hindi maaaring mabalewala ang maraming buhay at dugo na isinakripisyo para sa kapayapaan ng Mindanao at posibleng magresulta umano ng gulo ang paghihiwalay dito.
METRO MANILA – Aminado ang Department of Justice (DOJ) na mahirap para sa Bureau of Immigration (BI) na matukoy ang pagkakakilanlan ng mga imbestigador mula sa International Criminal Court (ICC) na papasok sa Pilipinas
Ayon kay DOJ Spokesperson Assistant Secretary Mico Clavano, hindi basta mabeberipika o makukumpirma ng immigration ang pagkakakilanlan ng mga ito.
Gayunman, naniniwala ng DOJ na wala pang presensya ang ICC investigators dito sa Pilipinas, taliwas sa mga kumakalat na balita.
Nauna nang sinabi ni Dating Presidential Spokesperson Harry Roque na kumpirmadong nakapasok na ng Pilipinas ang mga kinatawan ng ICC at nagsasagawa na ng imbestigasyon.
Kaugnay nito, nais sana ng DOJ na makausap si Attorney Roque, upang maibahagi sa kanila ang mga impormasyong nalalaman nito hinggil sa ICC.
METRO MANILA – Ikinatuwa ng mga kinatawan ng International Community ang pansamantalang paglaya ni Former Senator Leila De Lima, matapos ang halos 7 taong pagkakakulong.
Sa isang tweet sinabi ni United States Ambassador to the Philippines MaryKay Carlson, na isang welcome news ang paglaya ng naturang senador.
Aniya, maresolba na sana ang lahat ng mga kasong kinakaharap ni De Lima.
Ayon naman kay European Union Ambassador Luc Veron, ang paglaya ni De Lima ay isang mahalagang hakbang sa pananaig ng batas sa Pilipinas.
Pinuri rin ng embahada ng Canada at the Netherlands ang hakbang at sinabing nawa’y makamit ng dating senadora ang hustisya na nararapat sa kaniya.
Tags: DOJ, Ex Sen. Leila De Lima, SC
